Doarjjo álbmotstivrra, birrrasa ja solidaritehta - Ii fal EO!

Ungdom mot EU lea nuoraidorganisašuvdna mii bargá norgga EO-miellahttovuođa ja EO-heivehallama vuostá. Mii čohkket nuoraid geain leat iešguđetlágan politihkalaš oainnut miehtá riikka, bargandihte ovttas norgga EU-miellahttovuođa vuostá.

Ungdom mot EU váldoákkat vuosttaldit EO leat:

Álbmotstivra
Biras
Solidaritehta


Mii háilidit ahte máilbmi, Eurohpa ja Norga galggašii leat báikkit gos lea ealli álbmotstivra, gos biras čájeha solidaritehta sidjiide geain eallin ii leat nu álki ja maiddai solidaritehta boahttevaš buolvvaide, buori biraspolitihka bokte. Min oainnu mielde ii leat EO oktiisoahpevaš daiguin áigumušaiguin. Ovttasbargu ON:as lea áidna čoavddus doaimmalaš unnitriikkaide, ovddidandihte álbmotstivrra, birrasa ja solidaritehta.

Álbmotstivra

Mearrádusat berrejit dahkkot nu lahka go vejolaš sin geaidda guoská. Jos Norga šaddá EO miellahttun, sirdojuvvo politihkalaš stivrejupmi Norggas EO:i.
EO:s leat stuora demokráhtalaš váttut, ja lea hui váttis dábálaš olbmuide váikkuhit mearrádusaid áššiin.

Solidaritehta

EO oktasaš gávpepolitihkka vahágahttá geafes riikkaid ja hehtte daid ovdáneami. Olggobealde EO lea Norggas vejolašvuohta ovttasbargat geafes riikkaiguin ja ovddastit eambbo solidáralaš politihka – jos mii dáhttut.

EO-systema hukse njeallji friddjavuhtii ja gáržžida bargiid rivttiid. Jos Norga šaddá EO-miellahttun, de lea mis bággu geavahit Euro-ruđaid. Dat dagaha váttisin unnidit bargguhisvuođa ja váldit vára min riika čálgodilis.

Biras

EO-systema hukse ekonomalaš ovdáneami friddjagávpepolitihka bokte. Dat mielddisbuktá eambbo golladeami, gálvofievrrideami ja nuoskkideami. EO eanadoallo- ja guolástanpolitihkkas leat muđui hui negatiivvalaš váikkuhusat lundui ja biologalaš máŋggabealátvuhtii.
Ahte Norga ii leat miellahttu EO:s ii daga dan ahte mis lea buoret birasustitlaš politihkka, muhto dat addá midjiide buoret vejolašvuođa ovddidit juste dan.

Ovdamearka dihte lea Norggas dávjá dehálaš rolla riikkaid gaskasaš birasráđđádallamin dálkkádaga birra. Jos Norga livčče miellahttu EO:s, livččii mii bággun čuovvut EO-politihka daid orgánain.

Del med andre: